ABŞ-də təyyarəyə qumbara keçirmək istəyən şəxs saxlanıldı

ABŞ-nin Nyu-York şəhərində sərnişinlərdən biri təyyarənin göyərtəsinə qumbara keçirməyə cəhd edib və hava limanında yoxlama zamanı saxlanılıb.

Avtosfer.az xəbər verir ki, bu barədə "NBC News" məlumat verib.

Hadisənin La-QuardiYa hava limanında baş verdiyi bildirilir. Nəqliyyatın Mühafizəsi İdarəsinin əməkdaşları kişinin əl yükündə partlayıcı qurğu aşkar ediblər. O bildirib ki, qumbaranı ona muzeydə hədiyyə veriblər.

Baxış zamanı məlum olub ki, qurğu təhlükəsizdir və partlaya bilməz. Buna baxmayaraq, qumbara müsadirə edilib və sərnişinin təyyarəyə minməsinə icazə verilib.

(oxu.az)