ABŞ "Reaper" dronlarının ixracına icazə verə bilər

ABŞ Prezidenti Donald Tramp qabaqcıl "Reaper" pilotsuz uçuş aparatlarının və digər hərbi PUA-ların ixracına icazə vermək üçün 38 illik silahlara nəzarət sazişinə yenidən baxmağı düşünür.

Avtosfer.az xəbər verir ki, bu barədə "Reuters" məlumat yayıb.

ABŞ PUA-ları raket sistemləri kimi deyil, təyyarələr (F-16-ya oxşar) kimi təsnif etmək niyyətindədir ki, bu da ona Raket Texnologiyalarına Nəzarət Rejimi çərçivəsində məhdudiyyətləri aşmağa imkan verəcək.

Hazırda bu saziş ABŞ PUA-larının BƏƏ və Şərqi Avropa ölkələrinə satılmasını çətinləşdirir.

Müqavilə 1987-ci ildə imzalanıb. Ümumilikdə 35 ölkə, o cümlədən ABŞ, Ukrayna, Türkiyə, Hindistan və Cənubi Koreya sazişin tərəfləridir.