ADY əməkdaşı: “Seçdiyimiz peşə şərəfli olduğundan çətinlikləri hiss etmirik” - VİDEO

Azərbaycan Dəmir Yollarının (ADY) Biləcəri lokomotiv deposunda çalışan Ramin Həsənov lokomotivlərin texniki sazlığının təmin olunması və təhlükəsiz istismara hazırlanmasında iştirak edir.

Avtosfer.az xəbər verir ki, bu barədə Azərbaycan Dəmir Yollarının sosial şəbəkə hesablarında paylaşılan videoda məlumat verilib.

Bildirilib ki, elektron qurğular və yüksək gərginlikli avadanlıqlar üzrə mütəxəssis kimi fəaliyyət göstərən Ramin Həsənov işinə sevgi və məsuliyyətlə yanaşır.

O, çətinliklərin öhdəsindən gəlməkdə ailə və komanda ruhunun mühüm rol oynadığını vurğulayaraq, “İşimizi sevirik. Seçdiyimiz peşə şərəfli olduğundan çətinlikləri hiss etmirik”, – deyə bildirib.