ADY qadınların səlahiyyət və iş imkanlarının genişləndirilməsi üzrə tədbirlər görür - FOTO

Ötən həftə Dünya Bankının təşkilatçılığı ilə Bakıda keçirilmiş Azərbaycan üçün Çevik Texniki Yardım Aləti (AZTAF) proqramı çərçivəsində "2023-2024-cü illərdə əmək bazarında daha yaxşı nəticələr əldə etmələri üçün qadın kapitalının artırılması" adlı Məsləhət və Analitika (AMA) proqramı yekunlaşıb.

"Azərbaycan Dəmir Yolları" QSC-dən (ADY) Avtosfer.az-a verilən məlumata görə, yekun tədbirdə çıxış edən ADY-nin Kommunikasiya departamentinin rəhbəri Aybəniz İsmayılova dəmir yollarında qadınların səlahiyyət və iş imkanlarının genişləndirilməsi üzrə görülən tədbirlər barədə məlumat verib.

Qeyd edək ki, ADY-nin də iştirakı ilə qadınların məşğulluq və liderlik imkanlarının artırılması və dəstəklənməsinə dair praktiki tövsiyələr vermək məqsədilə proqramın "Azərbaycanda qadınların məşğulluğu qarşısındakı maneələrin aradan qaldırılması" adlı hesabatı hazırlanıb.