Antalya Hava Limanı pandemiyadan sonra ən yüksək rəqəmə çatıb

Antalya Hava Limanı şənbə günü 1069 təyyarəyə xidmət göstərərək, yeni növ koronavirus pandemiyasından bəri ən yüksək rəqəmə çatıb.

Marja Türkiyənin Nəqliyyat və İnfrastruktur Nazirliyinin açıqlamasına istinadən xəbər verir ki, 30 iyul 2022-ci il tarixində (şənbə günü) Antalya Hava Limanı daxili xətdə 113 və beynəlxalq xətdə 956 olmaqla cəmi 1069 təyyarə axını ilə pandemiyadan sonra ən yüksək rəqəmə çatıb.

Açıqlamada, eyni gündə sərnişin axınının daxili xəttdə 18 min 569, beynəlxalq xəttdə isə 175 min 619 olmaqla, cəmi 194 min 188 olduğu qeyd edilib.