Türkiyənin Antalya şəhərində bilinməyən səbəbdən başlayan və küləyin gücü ilə şiddətlənən meşə yanğınları yaşayış məntəqələrinə keçib. 

Bu barədə sosial şəbəkələrdə çoxlu kadrlar paylaşılıb.

Artıq fəlakət bölgəsinə yaxın məntəqələrdə evlər boşaldılıb. Yanğını söndürmək üçün aviasiya cəlb edilib.

Qeyd edək ki, meşə yanğınlarının qarşısının alınması üçün Rusiya Türkiyəyə amfibiya təyyarə yollayıb.

Son məlumatlara əsasən, yanğın Antalya vilayətinin Manavqat şəhərinə çatıb. Şəhərin Qələmlər məhələsindəki evlər tamamilə yanaraq, yarasız hala düşüb. Yanğın zamanı 53 nəfərin xəsarət aldığı bildirilib.