Avtomobillərdən güzgü oğurlayan tutuldu

Paytaxtın Nərimanov RPİ-nin 16-cı Polis bölməsinə avqustun 3-də X.Şuşinski küçəsindən paytaxt sakini X.Ağayevə məxsus “Mercedes” markalı avtomobilin 600 manat dəyərində olan yan güzgüsünün oğurlanması ilə bağlı məlumat daxil olub.

DİN-nin mətbuat xidmətindən Avtosfer.az-a bildirilib ki, buna görə əməliyyat-axtarış tədbirləri keçirən polis hadisəni törətməkdə şübhəli bilinən Sabirabad rayon sakini, əvvəllər məhkum olunmuş A.Abbasovu saxlayıb. Ətrafında aparılan tədbirlərlə onun iyulun 26-da daha bir avtomobilin 450 manat dəyərində yan güzgülərini oğurlaması da müəyyən edilib.

Faktla bağlı araşdırmalar davam etdirilir.