AZAL-ın sərnişinlərinin sayı 47 % artıb

Bu ilin I yarısında "Azərbaycan Hava Yolları" QSC-nin (AZAL) sərnişinlərinin sayı ötən ilin eyni dövrü ilə müqayisədə 47,3 % çox olub.

Avtosfer.az xəbər verir ki, bunu AZAL-ın prezidenti Samir Rzayev bildirib.

Onun sözlərinə görə, artım beynəlxalq uçuşlarda 60,2 %, ölkədaxili uçuşlarda isə 10,15 % təşkil edib.

Belə ki, aviaşirkət yanvar-iyun aylarında 1,812 milyon sərnişin daşıyıb. Bunun 1,462 milyonu beynəlxalq, 350 mini isə ölkə daxilində daşınıb.