Azərbaycan Qırğızıstana 40 min doza AstraZeneca verəcək

Azərbaycan Qırğızıstana 40 min doza AstraZeneca peyvəndi verilməsi ilə bağlı humanitar yardım planlaşdırır.

Avtosfer.az “Qafqazinfo”ya istinadən istinadən xəbər verir ki, bu barədə Qırğızıstanın Xarici İşlər Nazirliyinin mətbuat xidmətinin məlumatında deyilir.

“Hazırda tərəflər peyvəndin daşınması üçün bütün saxlama şərtlərini və tələblərini təmin etməklə bağlı logistika məsələləri üzərində işləyirlər”, - deyə məlumatda bildirilir.

O da qeyd edilir ki, Azərbaycanın yardımı 20 min Qırğızıstan vətəndaşının həyatını qoruyacaq.