2021-ci ilin yanvar-iyul aylarında Azərbaycanın pərakəndə ticarət şəbəkəsində əhali tərəfindən 1 393,5 mln. manat məbləğində avtomobil yanacağı (avtomobil benzini və dizel) istehlak edilib.

Avtosfer.az Dövlət Statistika Komitəsinə istinadən verdiyi məlumata görə, bu göstərici ötən ilin analoji dövrü ilə müqayisədə 3,1% artıb. Təkcə iyul ayında 200,9 mln. manatlıq avtomobil yanacağı alınıb ki, bu da iyun ayı ilə müqayisədə 10,9% azdır.

Qeyd edək ki, hesabat dövründə istehlakçıların pərakəndə ticarət şəbəkəsində xərclədiyi vəsaitin 6,1%-i avtomobil yanacağının alınmasına sərf olunub.