Azyaşlının ölümünə səbəb olan sürücü hakim qarşısına çıxarılır
Xəbərlər 16 Aprel 2021 10:05 Oxunub 152
Azyaşlının ölümünə səbəb olan sürücü hakim qarşısına çıxarılır

Bakıda ölümlə nəticələnən yol-nəqliyyat hadisəsi törətməkdə təqsirləndirilən Rəşid İbrahimovun cinayət işi üzrə ibtidai istintaq başa çatıb.

Atosfer.az-ın xəbərinə görə, Bakı Ağır Cinayətlər Məhkəməsinə göndərilən iş hakim Əhməd Quliyevin icraatına verilib.

Qeyd edək ki, hadisə bu il fevral ayında Qaradağ rayonunun Qobustan qəsəbəsində baş verib. Bakı şəhər sakini R.İbrahimov idarə etdiyi “VAZ-2107” markalı avtomobillə evinin qarşısında oynayan 2013-cü il təvəllüdlü, 2-ci sinif şagirdi Nəcəfzadə Kənan Elnur oğlunu vurub. Azyaşlı xəstəxanaya çatdırılsa da, onun dünyasını dəyişdiyi məlum olub.

R.İbrahimova Cinayət Məcəlləsinin 263-1.3-cü (yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.

ŞƏRH YAZ
Ad

E-mail

Şərh