Bakı metrosunda 9 qanov təmir olunub - FOTO

Bakı metrosunda qatarlarının əsas dayanacaq yeri olan daha üç qanovda təmir işləri yekunlaşıb.

"Bakı Metropoliteni" QSC-dən verilən məlumata görə, ümumilikdə, bu günədək təmir olunan qanovların sayı 9-a çatdırılıb. Yenidən qurulan qanovların elektrik və işıqlanma, həmçinin drenaj sistemləri tamamilə yenilənib.

Qanovlardan depo yollarına çıxan sahə də əsaslı şəkildə yenilənir. Burada yol yatağı, çınqıllı bünövrə üzərində qurulur, dəmir-beton şpallar düzülür. Depo və park yollarında dəmir-beton şpalların tətbiqi də genişləndirilib və bu günə qədər 6 minə qədər ağac-şpal dəmir-beton analoqu ilə əvəzlənib. Tədbirlər çərçivəsində yolun üst quruluşu avadanlıqları və təmas relsi də yenilənir.