Bakı Nəqliyyat Agentliyi 5 illiyin hesabatını verdi - FOTO

Bu gün mətbuat konfransı keçirən BNA-nın idarə heyətinin sədri Vüsal Kərimli, 5 il boyunca gördükləri işlər barədə geniş şəkildə danışdı. Konfransda avtobus dayanacaqları, maşurut xəttləri, yeni çəkilən yollar, piyada keçidləri, avtobus zolaqları və digər bu kimi məsələlərə toxunuldu.

Qeyd edildi ki, bu günə kimi 236 küçə və prospektdə layihələr həyata keçirilib, nəticədə sıxlıq halları aradan qaldırılıb, sürücü və piyada təhlükəsizliyi təmin edilib və sərnişin daşıma keyfiyyəti yüksəlib.

BNA sədri bildirib ki, 2015-ci ildən bu günədək 968 avtobus yenilənib.

Konfransda həmçinin Bakı yollarında yeni ayrılan avtobus zolaqları barəsində də danışıldı. “Avtobus zolaqları Bakının Baş Planında yer alıb. Təklif edilən 24 küçədə xüsusi zolaqların salınması 600 minə yaxın sərnişinə xidmət edəcək", - deyə, Vüsal Kərimli qeyd edib.

O, həmçinin “Piyadanı gör” mövzüsuna toxunaraq piyadalarla bağlı görülən tədbirlərdən də geniş danışıb.

Sonda sədr mətbuat nümayəndələrinin suallarını cavablandırıb.

Aysel