Bakıda boru partladı, yolu su basdı - VİDEO

Bakının Yasamal rayonu, 1 saylı DOST Mərkəzinin qarşısındakı yolda su borusu partlayıb. 

Bununla bağlı adıçəkilən ünvanda yaşayan sakinlər müraciət edib. 

Sakinlərin göndərdiyi videodan da bəlli olur ki, partlayan borudan ətrafa yayılan su vətəndaşlara, eləcə də sürücülərə çətin anlar yaşadır.

Məsələ ilə bağlı İri Şəhərlərin Birləşmiş Su Təchizatı Xidməti ilə əlaqə saxladıq. Qurumdan sorğumuza cavab olaraq bildirildi ki, hazırda poblemin həlli istiqamətində işlər görülür:

“Qeyd olunan ünvanda su xəttində qəza baş verib. Hazırda Yasamal rayon Sukanal İdarəsinin qəza briqadası əraziyə cəlb edilib, borunun təmir və bərpası istiqamətində işlər görülür”.

(qafqazinfo)