Bakıda mənzildən və köşkdən oğurluq edilib.

Daxili İşlər Nazirliyinin (DİN) mətbuat xidmətindən Avtosfer.az-a verilən xəbərə görə, Nəsimi Rayon Polis İdarəsinin 22-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki köşklərin birindən 412 manat pul və 7000 manat dəyərində tütün məmulatı oğurlamaqda şübhəli bilinən Lənkəran rayon sakini, əvvəllər məhkum olunmuş M.Məmmədov saxlanılıb. Bundan başqa, Suraxanı Rayon Polis İdarəsi 30-cu Polis Şöbəsi əməkdaşlarının keçirdikləri əməliyyatla rayon ərazisindəki evlərin birindən 6000 manat dəyərində məişət əşyaları oğurlamaqda şübhəli bilinən Bakı şəhər sakinləri B.Məmmədov və N.Hüseynov müəyyən edilərək saxlanılıblar. Şəxsi axtarış zamanı onlardan heroin və metamfetamin aşkar edilərək götürülüb.