Bakıda küçədə gecələyən beş uşaq və anası sığınacağa yerləşdirildilər - FOTO

Xəbərlər 8 Avqust 2022 19:40 Oxunub 1060
Bakıda küçədə gecələyən beş uşaq və anası sığınacağa yerləşdirildilər  - FOTO
WhatsApp kanalımıza abunə ola bilərsiniz

Bakıda azyaşlılar küçədə gecələyirlər. Bu barədə məlumat sosial şəbəkələrdə paylaşılıb.

Oxu.Az xəbər verir ki, söhbət paytaxtın “Şamaxinka” kimi adlanan ərazisindən gedir. 

İddia edilib ki, beş kimsəsiz uşaq və anası bir neçə gündür ərazidəki parkda gecələyirlər.

Məsələ ilə bağlı Daxili İşlər Nazirliyinin şöbə rəisi Elşad Hacıyev bildirib ki, azyaşlıların sığınacağa yerləşdirilməsi ilə bağlı Ailə, Qadın və Uşaq Problemləri üzrə Dövlət Komitəsinə müraciət edilib, ailənin sığınacağa yerləşdirilməsi artıq təmin edilib. 

Ailə, Qadın və Uşaq Problemləri üzrə Dövlət Komitəsinin rəsmisi Teymur Mərdanoğlu isə redaksiyamıza açıqlamasında qeyd edib ki, Komitəyə daxil olan müraciət əsasında beş uşaq və bir qadın sığınacağa yerləşdirilib:

“Məsələ ilə bağlı araşdırma aparılır”.

Əldə etdiyimiz məlumata görə, ailə Tovuz rayonundan Bakıya gəlib. Onların yaşadıqları yeri hansı səbəblə tərk etdikləri ilə bağlı aidiyyəti qurumlar tərəfindən Rayon İcra Hakimiyyəti arasında danışıqlar aparılır.

 

 

ŞƏRH YAZ
Ad

E-mail

Şərh