Bakıda “Mercedes” markalı avtomobili qaçıran şəxs saxlanılıb

Suraxanı Rayon Polis İdarəsinin 32-ci polis bölməsinə H.Hətəmlinin “Mercedes” markalı avtomobilinin aprelin 23-nə keçən gecə Qaraxuçur qəsəbəsindən qaçırılması barədə məlumat daxil olub.

Daxili İşlər Nazirliyinin mətbuat xidmətindən Avtosfer.az-a bildiriblər ki, nəqliyyat vasitəsini qaçırmaqda şübhəli bilinən Bakı şəhər sakini Ramiz İsmayılov polis əməkdaşlarının keçirdikləri əməliyyat-axtarış tədbirləri nəticəsində qəsəbə ərazisində avtomobillə birlikdə saxlanılıb.

Faktla bağlı Suraxanı Rayon Polis İdarəsində araşdırma aparılır.