Bakıda məsuliyyətsiz ana körpəsini yolun ortasında unutdu - VİDEO

Bakıda görənləri şoka salan bir hadisə yaşanıb. Ana öz körpəsini yolun ortasında unudaraq onu ölümlə üz-üzə qoyub.

Avtosfer.az bildirir ki, paytaxt küçələrinin birində 4-5 yaşlarındakı oğlu ilə yolu piyada zolağı olmayan hissədən keçməyə çalışan ana sürücülərə çətinlik yaratmaqla qalmayıb. O, yanındakı oğlunu da özüylə bərabər təhlükəyə sürükləyib. Videonu daha da dəhşətli edən bu hadisə deyil, bir az qarşıda, yolun ortasında uşaq arabasında yatmaqda olan körpədir. Uşağa görə hərəkəti dayandıran sürücülərdən biri təəcüblə avtomobilindən enib ona tərəf gedərkən məlum  olub ki, uşaq yolu keçməyə çalışan həmin o qadınınmış. Maraqlısı budur ki, qadın elə soyuqqanlılıqla körpəni götürüb yoluna davam edir ki, sanki elə belə də lazımdı.

Uşağın yolun ortasına gəlib düşmə səbəbi isə müəmmalıdır. Ana onu orda qoyub yolu keçib, yoxsa körpəni balaca oğluna tapşırdığından onun əlindən çıxıb və külək də uşaq arabasını itələyərək yolun bu hissəsinə gətirib?... Hər iki halda da ana məsuliyyətsizliyi qan dondurur.  

Aysel