BƏƏ aviaşirkəti Abu-Dabidən Bakıya birbaşa uçuşlara başlayır

Birləşmiş Ərəb Əmirliklərinə (BƏƏ) məxsus “Wizz Air Abu Dhabi” aviaşirkəti bu gün Abu-Dabi-Bakı-Abu-Dabi istiqamətində aviareyslərə başlayır.

Aviaşirkət avqustun 14-də Bakıya ilk aviareysini həyata keçirəcək.

Yeni marşrutun açılması ilə aviaşirkətin uçuş istiqamətlərinin sayı 29-a çatacaq.

Biletlər "wizzair.com" saytında və aviaşirkətin mobil tətbiqetməsində satılır.

Bakıya uçuşlar həftənin 2 – çərşənbə axşamı və şənbə günləri həyata keçiriləcək.

Xatırladaq ki, “Wizz Air Abu Dhabi” aviaşirkəti ən aşağı yanacaq sərfiyyatı, tullantı və səs göstəricilərinə malik ən müasir 4 “Airbus A321neo” təyyarəsindən ibarət ən gənc hava donanmasına malikdir.///report