Bəşər Əsədin müşaviri qəzadan sonra öldü

Suriya Prezidentinin müşaviri Luna əş-Şibl Dəməşq yaxınlığında baş verən yol-nəqliyyat hadisəsi nəticəsində yerləşdirildiyi xəstəxanada ölüb.

Avtosfer.az xəbər verir ki, bu barədə SANA dövlət agentliyi məlumat yayıb.

Məlumata görə, qəza iyulun 2-də baş verib. Belə ki, əş-Şiblin olduğu avtomobil yoldan çıxaraq qəzaya düşüb. Müşavir ağır kəllə-beyin travması ilə xəstəxanaya yerləşdirilib.

O, bu gün aldığı xəsarətlərdən xəstəxanada dünyasını dəyişib.

Qeyd edək ki, Şibl 2020-ci ildə Bəşər Əsədin müşaviri təyin edilib.

(qafqazinfo)