Bu ilin yanvar-iyul aylarında Bakl-Tbilisi-Qars (BTQ) dəmir yolu xətti ilə 13 610 TEU konteyner təyinat stansiyalarına çatdırılıb.

Bu barədə Avtosfer.az-a "Azərbaycan Dəmir Yolları" QSC-nin törəməsi - "ADY Konteyner" MMC-dən bildirilib.

Məlumata görə, bu, ötən ilin eyni dövrü ilə müqayisədə 63% çoxdur.

Artım ötən ay xüsusilə böyük olub. Belə ki, bu ilin iyul ayında konteynerlərin sayı ötən ilin eyni dövrünə nisbətən 2,1 dəfə artıb.

7 ay ərzində daşınmış konteynerlərin 92%-i tranzit yüklər olub.

BTQ ilə yüklər əsasən Azərbaycandan tranzitlə keçməklə Çin – Türkiyə, Orta Asiya – Türkiyə və əks istiqamətlərdə daşınıb.