Bu gündən Azərbaycanda istilik təchizatı dayandırılır
Xəbərlər 15 Aprel 2021 11:48 Oxunub 196
Bu gündən Azərbaycanda istilik təchizatı dayandırılır

“Bu il payız-qış mövsümündə 3 800 yaşayış binası, 180 mindən artıq mənzil istiliklə təmin olunub”.

Bunu açıqlamasında “Azəristiliktəchizat” ASC-nin Abonent və Müştəri Xidmətlərinin rəisi Rafiq Əliyev bildirib.

Onun sözlərinə görə, layihə üzrə “Azəristiliktəchizat” ASC-nin mənbələrindən istiliklə təmin olunması nəzərdə tutulan 287 orta məktəb, 162 uşaq bağçası, 160 səhiyyə müəssisəsi, 1 800-ə yaxın digər sosial və təsərrüfat obyektləri istiliklə təmin olunurdu”.

O qeyd edib ki, qərar isti su ilə təmin edilən abunəçilərə aid deyil.

09:45

Bu gündən "Azəristiliktəchizat" ASC həm Bakıda, həm də regionlarda istilik təchizatını dayandıracaq.

Bunu Avtosfer.az-a açıqlamasında səhmdar cəmiyyətinin rəsmisi Rafiq Əliyev bildirib.

Bununla belə, onun sözlərinə görə, bəzi dağlıq və dağətəyi rayonlarda istilik təchizatı mayın 1-nə qədər davam edəcək.

"Bu gündən ümumilikdə 3 800 yaşayış binasına, həmçinin layihə üzrə 287 orta məktəbə, 162 uşaq bağçasına, 160 səhiyyə müəssisəsinə və 1 800-ə yaxın digər sosial-təsərrüfat obyektinə verilən istilik dayandırılacaq. Bu isə 559 qazanxana və 90 istilik məntəqəsinin fəaliyyətini dayandırması deməkdir. Onu da qeyd edim ki, bu qərar isti su ilə təmin etdiyimiz abunəçilərə şamil edilmir", - deyə R.Əliyev qeyd edib.

Azərbaycanda hər il istilik mövsümü noyabrın 15-də başlayər, növbəti il aprelin 15-də başa çatıb. Ötən il "Azəristiliktəchizat"ın Azərbaycan Dövlət Neft Şirkətinin (SOCAR) "Azəriqaz" İstehsalat Birliyinə 18 milyon manat borcu olması səbəbindən əhaliyə istiliyin verilməsi noyabrın 18-nə qədər yubanmışdı.

ŞƏRH YAZ
Ad

E-mail

Şərh