Bu kənddə yanğınsöndürən olmayanlara qız verilmir

İstanbulun Binkılıç kəndi yanğınsöndürənləri ilə məşhurdur.

Lent.az Türkiyə mətbuatına istinadən məlumat verir ki, bu kənddə demək olar hər ailədə bir yanğınsöndürən yaşayır. Binkılıç yanğınsöndürənlər kəndi kimi tanınır.

1960-cı ildən bəri bu kənddə 320 yanğınsöndürən yaşayıb. Hazırda bu say 103-dür. Kənd sakinlərinin sözlərinə görə, qədimdən burada yanğınsöndürən olmayana qız verməzlərmiş. Hətta bəzi gənclər evlənmək istəyəndə və onlara qız verilməyəndə məcburən peşələrini dəyişirlər.