“Bu, mənim üçün üstünlük deyil, məsuliyyətdir” - Rövşən Rüstəmov

“Dayanıqlılıq bizim üçün məqsəd deyil, vasitədir. Daha yaxşı gələcək, ədalətli imkanların yaradılması üçün bir vasitədir. Biz hələ COP29 təşəbbüsləri başlamamışdan əvvəl dayanıqlılığı öz təməl prinsiplərinə çevirən qurumlardan biri olmuşuq”.

Avtosfer.az xəbər verir ki, bunu  “Azərbaycan Dəmir Yolları” QSC-nin sədri Rövşən Rüstəmov “Gələcək üçün dayanıqlı nəqliyyat” tədbirində bildirib.

O bildirib ki, ADY-nin əsas hədəfi karbon emissiyalarından tam azad şirkətə çevrilməkdir:

“Dəmir yolları daha az karbon emissiya edir. Bu, mənim üçün üstünlük deyil, məsuliyyətdir. Bunun daha qənaətli edilməsi üçün yollar düşünməliyik. 200 min ton illik karbon emissiyamız var ki, bunu bir az da azaltmalıylq.

Ötən il 7,2 milyon sərnişin yüz fazini elektrik enerjisi ilə daşımağa nail olmuşuq. Biz anlayırıq ki, gələcək bu cür ambisiyalı hədəflərin üzərində qurulacaq. Əsas hədəfimiz karbon emissiyalarından tam azad şirkətə çevrilməkdir. Karbon neqativ olmaqdır”.