Çin yeni nəsil yerli havadan yanacaqdoldurma tankerini təqdim edib

Çin YY-20 adlı yeni nəsil yerli havadan yanacaqdoldurma tankerini təqdim edib. Ordu.az xəbər verir ki, bu barədə Çin Müdafiə Nazirliyi məlumat yayıb.

Təyyarənin J-16 qırıcısı ilə dəniz üzərindəki imkanları nümayiş etdirilib.

Çinin Təyyarə Sənaye Korporasiyası tərəfindən hazırlanan YY-20 Çin Xalq Azadlıq Ordusu Hərbi Hava Qüvvələrinin uzun mənzilli manevr qabiliyyətini artıracaq.

Təyyarə havadan erkən xəbərdarlıq və nəzarət və sualtı qayıqlara qarşı döyüş rolları üçün də fərdiləşdirilə bilər.

Hazırda Çin HHQ-nin tanker parkı “Xian H-6” (Sovet “Tupolev Tu-16” reaktiv bombardmançısının lisenziya əsasında hazırlanmış versiyası) və Ukraynada istehsal edilən İl-78 “Midas” təyyarələrindən ibarətdir.

Bildirilir ki, YY-20 90 ton yanacaq daşıya bilir.