Dünən İrəvandan Bakıya gələn təyyarədə kimlər olub?

Xəbər verdiyimiz kimi, dünən İrəvandan Bakıya birbaşa aviareys təşkil olunub. 

Avtosfer.az eməni KİV-ə istinadən xəbər verir ki, İrəvanın “Zvartnots” hava limanından çarter reyslə Bakıya uçan təyyarə “Enter Air” aviaşirkətinə məxsus “Boeing 737-8Q8” hava gəmisidir. 

Məlumata görə, təyyarədə NATO Müdafiə Kollecinin tələbələri olub.

Ermənistan Respublikasının Müdafiə Nazirliyi dekabrın 10-11-də təhsil mərkəzinin rəisi general-leytenant Maks Artur Nilsenin rəhbərlik etdiyi NATO Müdafiə Kollecinin 145-ci yuxarı kursunun tələbələrinin Ermənistanda səfərdə olduqlarını açıqlayıb. Müdafiə Kollecinin rəhbərini Ermənistan Respublikası müdafiə nazirinin birinci müavini, Silahlı Qüvvələrin Baş Qərargah rəisi, general-leytenant Edvard Asryan qəbul edib.

Məlum olub ki, “Enter Air” çarter reysi dekabrın 9-da Romadan İrəvana gəlib. Kollec Romada yerləşir.

(unikal)