Gecə işləyən çay evinin sahibi və müştərilərini polis saxladı

Gədəbəy rayon Polis Şöbəsinin əməkdaşları rayonun Slavyanka kəndi ərazisində gecə saatlarında gizli şəkildə fəaliyyət göstərən çayevi aşkarlayıb. 

Daxili İşlər Nazirliyi mətbuat xidmətinin Gəncə şəhərindəki regional qrupundan Avtosfer.az-a verilən məlumata görə,  obyekt sahibi Elşən Əliyev və müştərilər saxlanılaraq Polis Şöbəsinə gətirilib.

Onların barələrində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilib.