Gəncədə evdə partlayış zamanı ağır xəsarət alan qadın ölüb

Gəncədə beş gün əvvəl baş verən partlayış zamanı ağır xəsarət alan qadın ölüb.

Avtosfer.az-ın məlumatına görə, Gəncə şəhər sakini, 1977-ci il təvəllüdlü Sahibə Rasim qızı Verdiyeva Bakıda müalicə aldığı xəstəxanaların birində dünyasını dəyişib.

Qeyd edək ki, noyabrın 18-i axşam saatlarında Gəncə şəhərinin Əlişir Nəvai küçəsində yerləşən evdə partlayış baş verib. Hadisə nəticəsində evdə olan qadın S.Verdiyeva 1998-ci il təvəllüdlü Əli Vahid oğlu Veridyev yanıq xəsarətləri alıb, fərdi evdə qismən dağıntılar olub.

Daha sonra ağır yanıq xəsarətləri alan ana və oğlu Bakı şəhərində yerləşən xəstəxanaların birinə köçürülüblər.

"Report"