Gənclərin Sahibkarlıq Məktəbi başa çatdı - FOTO

Azərbaycan Gənc Marketoloq-Reklamçılar İctimai Birliyi Qeyri Hökumət Təşkilatlarına Dövlət Dəstəyi Agentliyinin maliyyə dəstəyi ilə 01.06.2025-ci il tarixdən icrasına başlanan " GSM - Gənclərin Sahibkarlıq Məktəbi " layihəsi çərçivəsində silsilə maarifləndirici tədbirlər həyata keçirilib. Sonuncu bağlanış tədbiri olaraq iyulun 17-də Gənclərin Resurs və Təlim Mərkəzində baş tutdu. Tədbir zamanı ali və orta ixtisas təhsili müəssisələrinin tələbələri və həmçinin könüllülər iştirakı etdilər.

İlk öncə tədbir iştirakçılarını salamlayaraq və onlara bu şəraiti yaratdığına görə Gənclərin Resurs və Təlim Mərkəzinin rəhbərliyinə təşəkkürünü bildirən layihə rəhbəri Hafiz Əzəmmədov layihənin məqsədi haqqında məlumat verdi. Bildirdi ki, hər bir Azərbaycan vətəndaşı sahibkarlıq fəaliyyəti ilə sərbəst şəkildə məşğul ola bilər və bunun üçün dövlətimiz hər bir sahibkara xüsusi diqqət və qayğı ilə yanaşır. Sahibkarlıq fəaliyyəti ilə məşğul olmaq istəyən hər bir fərdi sahibkara diqqət və qayğısını göstərirki, bu istiqamətdə atılan addımlar gələcəkdə ölkəmizdə daha da yeni naliyyətlərin əldə edilməsi istiqamətində uğurlu nəticələr əldə edilsin.

Daha sonra geniş məlumat vermək üçün sözü təlimçi-ekspert Fərid Zülfüqara verdi. Təlimçidə öz növbəsində tədbir iştirakçılarına maarifləndirici tövsiyyələrini verdi, tədbir diskusiya şəklində keçdi.

Tədbir iştirakçılarına layihə çərçivəsində dəftərxana ləvazimatları və üzərində donorun və ictimai birliyin loqosu əks edilən sertifikatlar təqdim edildi.