Generalın gömrükdə işləyən oğlu vəzifəsindən azad edildi

Dövlət Gömrük Komitəsinin Daxili Təhlükəsizlik İdarəsinin rəisi polkovnik Rəşad Zalov vəzifəsindən azad edilib.

Avtosfer.az Bakupost.az-a istinadən xəbər verir ki, bununla bağlı Dövlət Gömrük Komitəsinin sədri Şahin Bağırov müvafiq əmr imzalayıb. R.Zalovun təqaüdə göndərildiyi bildirilir.

Komitənin saytından da Rəşad Zalovla bağlı məlumatlar götürülüb.

Qeyd edək ki, Rəşad Zalov daxili işlər nazirinin sabiq müavini (1998–2022), polis general-leytenantı Oruc Zalovun oğludur.