Gürcüstanda yanacağın qiyməti son bir ildə 56,9 faiz bahalaşıb

Dünyada neft və neft məhsullarının qiymətinin artması Gürcüstana da təsirsiz ötüşməyib.

Bu barədə Gürcüstan Milli Statistika Xidmətindən məlumat verilib.

Bildirilir ki, dünya bazarında neftin qiymətinin artması və Gürcüstan milli valyutasının dəyər itirməsi nəticəsində cari ilin iyul ayında benzinin qiyməti 2020-ci ilin müvafiq dövrü ilə müqayisədə 56,9 faiz bahalaşıb.

Hesabat dövründə dizel yanacağının qiyməti 47,9 faiz artıb. Müvafiq olaraq illik inflyasiya iyulda 2,1 faiz təşkil edib.