Gürcüstanın xarici səyahətçiləri Şuşaya gəldi - FOTO

Gürcüstan səyahətçilərinin ikinci qrupu Şuşaya gəlib.

Avtosfer.az report-a istinadən xəbər verir ki, nümayəndə heyətinin üzvləri Şuşanın görməli yerlərini ziyarət edəcək, şəhərdə aparılan bərpa və tikinti işləri ilə tanış olacaqlar.

Turistlər xüsusən Natəvan Sarayına, “Xan qızı” bulağına və Şahbulağa baş çəkəcək, həmçinin Molla Pənah Vaqifin məqbərəsini və Cıdır düzünü ziyarət edəcəklər.

Qeyd edək ki, Gürcüstandan üç qrup səyyah Qarabağa və Şərqi Zəngəzura gəlib. Səfərdə məqsəd regionda aparılan tikinti və bərpa işləri ilə tanış olmaqdır.

Səyyahların işğaldan azad edilmiş ərazilərə səfəri oktyabrın 22-də başa çatacaq.