İmam 3 azyaşlı uşağını güllələdi

Türkiyənin Trabzon şəhərində imam 3 azyaşlı körpəsini güllələyərək qətlə yetirib.

Lent.az yerli mətbuata istinadən bildirir ki, Emre Göktaş ifadəsində uşaqlarının ondan soyuduğunu və hadisənin necə baş verdiyini xatırlamadığını deyib. 

Avqustun 31-də 16 radələrində qızları 11 yaşlı Yaren, 7 yaşlı Hiranur və 4 yaşlı Elif Göktaşı qətlə yetirən ata Emre Göktaş özü polisə zəng edərək təslim olub. 

Qeyd edək ki, həyat yoldaşı ilə boşanma ərəfəsində olan imam ailəsinə şiddət göstərdiyi üçün məhkəmənin qərarı ilə bir aylıq təcrid olunmuşdu.