İraqın cənubundakı Di-kar əyalətinin Ən-Nasiriyyə şəhərində koronavirus xəstələrinin müalicə olunduğu xəstəxanada baş vermiş yanğında ölənlərin sayı artıb.

Avtosfer.az-ın xəbərinə görə, bu barədə bu gün “Al Hadath” telekanalı mənbəyə istinadən məlumat yayıb.

09:15

İraqın Nəsiriyyə şəhərində koronavirusa yoluxan şəxslərin müalicə aldığı xəstəxanada yanğın baş verib.

Avtosfer.az xəbər verir ki, bu barədə yerli “Al Arabiya” telekanalı məlumat yayıb.

Məlumata əsasən, “İmam Hüseyn” adına xəstəxanada xəstələri oksigenlə təchiz edən balon partlayıb. Partlayışdan sonra yanğın başlayıb.

Qeyd olunub ki, yanğın zamanı 40 nəfər ölüb, 70 pasiyent xilas edilib. Hal-hazırda onlarla xəstə köməksiz vəziyyətdə qalıb.