Əfqanıstanın paytaxtı Kabil şəhərində yerləşən Həmid Karzay Beynəlxalq Hava Limanında insident baş verib.

Avtosfer.az "Pajhwok Afghan News"a istinadən xəbər verir ki, naməlum şəxslərlə Əfqanıstanın təhlükəsizlik qüvvələri arasında atışma olub.

Təhlükəsizlik qüvvələrinin 1 əməkdaşı həyatını itirib, 3 nəfər isə yaralanıb.

Almaniya Müdafiə Nazirliyinin açıqlamasına görə, naməlum şəxslərlə atışmada Almaniya və ABŞ hərbçiləri də iştirak edib, onlardan xəsarət alan yoxdur.