Karantin rejimi ilə əlaqədar nəzarət tədbirləri gücləndirilib - FOTO

Zaqatala Rayon Polis Şöbəsinin əməkdaşları karantin rejimindən irəli gələn qaydalara riayət edilməsi məqsədilə şəhər ərazisində yerləşən qapalı məkanlarda, eləcə də ictimai nəqliyyatda monitorinq keçiriblər.
Daxili işlər Nazirliyinin Mətbuat Xidmətinin Şəki regional qrupundan verilən məlumata görə, iri ticarət mərkəzlərində keçirilən yoxlamalar zamanı bəzi müştərilərin COVID-19 pasportu olmadan obyektə daxil olduğu aşkarlanıb.
Həmin obyektlərin sahiblərinə ciddi xəbərdarlıq edilib, mövcud tələblər bir daha onların diqqətinə çatdırılıb. Əhalinin sağlamlığının qorunması məqsədilə Nazirlər Kabineti yanında Operativ Qərargah tərəfindən tətbiq edilən qaydalara qeyd-şərtsiz əməl etməyin vacibliyi vurğulanıb.
Daha sonra mağazalarda davam etdirilən nəzarət tədbirləri nəticəsində tibbi maskadan istifadə etməyən və yaxud düzgün şəkildə istifadə etməyən satıcı və alıcılara rast gəlinib. Polis əməkdaşları həmin şəxslərlə izahedici söhbətlər aparıb və sanitar-gigiyenik tələbləri izah ediblər. Qaydaları pozanlar barəsində İnzibati Xətalar Məcəlləsinin müvafiq maddəsi ilə protokollar tərtib olunub.
Dövlət Yol Polisi bölməsinin əməkdaşları tərəfindən keçirilən yoxlamalar zamanı isə taksilərdə şəffaf arakəsmələr quraşdırmayan şəxslər, eləcə də tənəffüs yollarını örtən fərdi vasitələrdən istifadə etməyən sərnişin və sürücülər müəyyən edilib.
Hərəkət iştirakçılarının diqqətinə çatdırılıb ki, hər bir şəxs məsuliyyət hiss etməli, özlərinin və digərlərinin sağlamlığı üçün mövcud tələbləri anlayışla qarşılamalıdır.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
















