MiQ-21 qırıcısı qəzaya uğradı

Hindistan Hərbi Hava Qüvvələrinə məxsus MiQ-21 qırıcısı təlim uçuşu zamanı qəzaya uğrayıb.
Bu barədə Hindistan Hərbi Hava Qüvvələrinin mətbuat xidməti məlumat yayıb.
Bildirilir ki, təyyarə havaya qalxdıqdan sonra texniki nasazlıq səbəbindən qəzaya uğrayıb. Hadisə nəticəsində pilot sağ qalıb.

Qeyd edək ki, bununla da il ərzində Hindistanda qəzaya uğrayan MiQ-21 döyüş təyyarələrinin sayı 4-ə çatıb.