Oğuzda tibb işçisi və arvadı koronavirusun qurbanı oldu - FOTO

Oğuz rayonunda ər-arvad koronavirusdan vəfat edib.

Rayonun Xaçmaz kənd sakinləri - 1943-cü il təvəllüdlü Ağaəli Qədir oğlu Hacıyev və həyat yoldaşı, 1948-ci il təvəllüdlü Raya İdris qızı Camaləddinova koronavirusun qurbanı olublar. Məlumata görə, ahıl ər-arvad bir müddət əvvəl COVID-19-a yoluxublar və ev şəraitində müalicə olunublar. 73 yaşlı Raya Cəmaləddinova dünən, 78 yaşlı Ağaəli Hacıyev isə bu gün dünyasını dəyişib.

Qeyd edək ki, A.Hacıyev uzun müddət Xaçmaz kənd tibb məntəqəsində feldşer, R.Cəbrayılova isə həmin kəndin məktəbində ibtidai sinif müəllimi işləyib. Hər iki şəxs təqaüddə olub.