Pakistanda avtomobil yollarına təklif edilən investisiyalar müzakirə olunub

Azərbaycan Pakistanla əməkdaşlığı inkişaf etdirmək niyyətindədir.

Avrosfer.az “Azərtac”a istinadən xəbər verir ki, bu fikri Azərbaycanın Pakistandakı səfiri Xəzər Fərhadov İslamabadda bu ölkənin özəlləşdirmə və kommunikasiyalar üzrə federal naziri Əbdül Alim Xanla görüşərkən söyləyib.

Görüş çərçivəsində tərəflər Pakistan ilə Azərbaycan arasında ticarət tərəfdaşlığının təşviqi barədə razılığa gəliblər.

Nazir BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında iştirak etdiyini və Azərbaycan Respublikasının Bakıda qlobal platformada ölkənin potensialını nümayiş etdirdiyini bildirib. O, Pakistanın COP29-da güclü təmsilçiliyini yüksək qiymətləndirib.

Daha sonra azərbaycanlı diplomat və pakistanlı nazir Kəraçi-Sukkur və Sukkur-Heydərabad M6 və M9 avtomobil yollarına təklif olunan investisiyaları müzakirə ediblər.