Park yeri uğrunda mübahisə: Qadın stulda oturub avtomobilə mane oldu - VİDEO

Türkiyənin Yalova şəhərində kafenin qarşısında park yeri üstündə sürücü ilə obyekt əməkdaşı arasında mübahisə yaranıb.

Avtosfer.az HaberGlobal-a istinadla xəbər verir ki, hadisə Adnan Menderes məhəlləsinin Ufuk küçəsində baş verib. İddiaya əsasən, qadın sürücü avtomobilini yol kənarındakı boş park yerinə saxlamaq istəyib. Lakin kafenin qadın əməkdaşı stulda əyləşərək həmin yeri tutub və avtomobilin park etməsinə mane olub.

Bir müddət gözləyən sürücü ilə əməkdaş arasında mübahisə yaşanıb. Sosial şəbəkələrdə yayılan görüntülərdə avtomobil park yerinə yaxınlaşsa da, qadın əməkdaşın stulla park yerini tutmağa davam etdiyi əks olunub.

Bildirilib ki, sözügedən park yerinin kafenin yerləşdiyi binaya məxsus xüsusi istifadə sahəsi olduğu iddia edilir. Hadisə ilə bağlı rəsmi açıqlama verilməyib.