Polis əməkdaşı sənədlərini yoxladığı şəxs tərəfindən güllələnib

Rusiyada polis əməkdaşı sənədlərini yoxladığı şəxs tərəfindən güllələnib.
Avtosfer.az yerli KİV-ə istinadən xəbər verir ki, hadisə Krasnodar əyalətində baş verib. 
Əldə edilən məlumata görə, Vodniki qəsəbəsində xidmət aparan Post Patrul Xidmətinin (PPX) əməkdaşları şübhəli şəxsi saxlayıblar. Lakin, o, qaçaraq gizlənməyə çalışıb və bir müddət sonra polis əməkdaşları onu yaxalayıblar. Yaxalanan şəxs bu zaman üzərində gəzdirdiyi tapança ilə ondan sənəd tələb edən polis əməkdaşının qarnına atəş açıb. Yaralanan polisin həmkarı isə şəxsi tərkislah edib. 
Xəstəxanaya yerləşdirilən polis bir müddət sonra orada ölüb. 
Faktla bağlı cinayət işi açılıb, istintaq hərəkətləri icra olunur.  

Namiq Musayev