İlham Əliyev və Mehriban Əliyeva Cəbrayıl və Zəngilanda olub - VİDEO

İlham Əliyev işğaldan azad olunmuş Cəbrayıl rayonuna səfər edib. Səfər zamanı prezident Cəbrayılda yeni tikilən hərbi hissə ilə tanış olub.

“Cəbrayıl rayonuna gəlmişik. Vaxtilə Cəbrayıl rayonunun girişində ucaldılmış lövhəni biz indi yenidən qurduq. Eyni formada, eyni dizaynla "Cəbrayıla xoşgəlmişsiniz" lövhəsini bərpa etdik”.

Avtosfer.az xəbər verir ki, bunu Azərbaycan Prezidenti İlham Əliyev Cəbrayıl rayonuna səfəri zamanı deyib.

“Sovet vaxtında bu abidə - əgər belə demək mümkündürsə - qoyulmuşdur, ucalmışdır və işğal dövründə tamamilə sökülmüş, paslanmışdır. Bunun paslanmış görüntüləri artıq mətbuatda da var. Ona görə tarixi ədaləti bərpa edərək bax, bu Cəbrayıl rayonunun girişində yerləşən "Xoş gəlmişsiniz" lövhəsini, abidəni biz yenidən bərpa etdik. Bütün azad edilmiş torpaqları bərpa edəcəyik. Bütün şəhərləri, kəndləri bərpa edəcəyik”.

Daha sonra Prezident İlham Əliyev Cəbrayılda hərbi maşın idarə edib.

Həmçinin HAROP-ların döyüş əməliyyatları ilə də tanış olan prezidentin səfərdən olan görüntülərini təqdim edirik: