Qatarda gizlənərək sərhədi qanunsuz keçmək istəyən şəxs SAXLANILDI - FOTO

Oktyabr ayının 26-da saat 04:35-də Azərbaycan Respublikasından Rusiya Federasiyası istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz olaraq keçməyə cəhd göstərən şəxs Dövlət Sərhəd Xidməti (DSX) əməkdaşlarının sayıqlığı nəticəsində saxlanılıb.

Avtosfer.az xəbər verir ki, bu barədə DSX məlumat yayıb.

Araşdırma zamanı saxlanılan şəxsin Xaçmaz rayon sakini, 1988-ci il təvəllüdlü Tamindar Ənvəroviç Lumanov olduğu müəyyən edilib.

Fakt üzrə əməliyyat-istintaq tədbirləri davam etdirilir.