Qusar çayın üzərindəki körpü BAĞLANDI - FOTO - VİDEO

Bakı-Quba-Rusiya sərhədi yolunun 182-ci km-də, Quba rayonunun ərazisində yerləşən Qusar çayın üzərindəki körpü müvəqqəti bağlanıb və nəqliyyat vasitələrinin hərəkəti üçün alternativ yol açılıb. 

Avtosfer.az xəbər verir ki, bu barədə Azərbaycan Avtomobil Yolları Dövlət Agentliyinin Quba "5 Saylı Yol İstismarı" MMC-nin baş mühəndisi Rövşən Babayev məlumat verib. 
 

Onun sözlərinə görə, 1972-ci ildə istifadəyə verilmiş Qusar çayın üzərindəki körpü uzun müddətdir təmir olunmayıb: 

“Bu səbəbdən 146 metr uzunluğu, 8 aşırımı olan körpünün 2 aşırımı qəzalı və təhlükəli vəziyyətə düşüb. Hər hansı bədbəxt hadisənin qarşısını almaq üçün körpü təmirə dayanıb. Körpünün 2 aşırımı əsaslı bərpa ediləcək. Bərpa işləri iki ay müddətinə aparılacaq. Körpünün bərpadan sonra açılışı sentyabrın 15-i nəzərdə tutulur". 

(bizim.media)