Rusiyada Moskva metropolitenində “Kalmar oyunu” - VİDEO

Rusiya paytaxtında “Şosse  Entuziastov” metro stansiyasını daşqına məruz qalıb. Su basqınına qəfil yaxalanan sərnişinlər isə stansiyadan çıxmaq üçün “Kalmar oyunu” oynamaq məcburiyyətində qalıb.

Bununla bağlı sosial şəbəkələrdə kadrlar paylaşılıb. Videodan görünür ki, daşqına məruz qalan stansiyada sərnişinlərin keçə bilməsi üçün yerə əl altında olan əşyalar – lövhələr, köhnə oturacaqlar və başqa əşyalar döşənib. İnsanların onun üzərində hərəkəti isə Koreya istehsalı olan məşhur serialın səhnələrini xatırladıb.

““Rusiyanın “Kalmar oyunu””, “Bu serialda oyunçuların şüşə lövhələri keçməli olduğu səhnədir. Burda da lövhələri tapdalamaq və yıxılıb-yıxılmayacağını təxmin etmək lazımdır”, - deyə istifadəçilər paylaşılan görüntüyə münasibət bildiriblər.