Rusiyadan istirahətə gələn azərbaycanlı ölüb

Rusiyadan istirahətə gələn azərbaycanlı ölüb.

"Report"un verdiyi xəbərə görə, hadisə Lənkəranda, Xəzər dənizi sahilindəki istirahət məkanında baş verib.

Belə ki, Rusiya Federasiyasında yaşayan, 1964-cü il təvəllüdlü Namik İman oğlu Hüseynov dostları ilə dəniz kənarında yeyib içiblər. Bir müddət sonra o, özünü pis hiss edib və huşunu itirib. Yoldaşları onu Lənkəran Rayon Mərkəzi Xəstəxanasına çatdırıblar. Tibbi-profilaktik tədbirlərə baxmayaraq N.Hüseynovun həyatını xilas etmək mümkün olmayıb.

Meyit müayinə olunmaq üçün morqa təhvil verilib.

Faktla bağlı araşdırma aparılır.