Sosial şəbəkələrdə Soçi - Sankt-Peterburq marşrutu ilə hərəkət edən təyyarədə həyəcanlı anlarla bağlı kadrlar paylaşılıb.

“Mash” “Telegram” kanalının məlumatına görə, hadisə Rusiyaya məxsus “Azur Air” şirkətinə məxsus təyyarədə baş verib. Kadrlarda oksigen maskalarının düşməsi və təlaşa düşmüş sərnişinlər əks olunub.

Bildirilir ki, səmada olarkən hava gəmisində hermetizasiya ilə bağlı problem yaranıb. Bundan sonra təyyarə yanacağın bitməsi üçün bir saat Qara dəniz üzərində dövr edib.

Göyərtəsində 190 sərnişin olan təyyarə yenidən Soçiyə geri qayıdıb. Eniş zamanı heç bir fövqəladə hal yaşanmayıb.