Səmada raket və dronlar zərərsizləşdirilib - FOTO

Səudiyyə Ərəbistanının Cəzan şəhərinə Yəmən ərazisindən atılan 5 ballistik raket və 4 dron zərərsizləşdirilib. Bu barədə krallığın başçılıq etdiyi Ərəb Koalisiyasının baş qərargahı məlumat yayıb.

Husi qiyamçılarının atdıqları raketlərdən biri Cəzan Universitetinin ərazisinə düşüb. Burada başlayan yanğın qısa müddətdə söndürülüb. Koalisiyanın bəyanatında bildirilib ki, sistemli raket və dron hücumları mülki əhaliyə qarşı yönəlib və onların zərərsizləşdirilməsi məqsədilə lazımi tədbirlər görülür.

Səudiyyə Ərəbistanı Yəməndəki qiyamçılara atəşkəs və danışıqlar aparılmasını təklif etsə də, qarşı tərəf buna məhəl qoymayıb. ABŞ Prezidenti Co Bayden əvvəlki administrasiyanın Husilərin terrorçu olmaları barədə qərarını ləğv edib və Yəməndə tərəfləri sülhə çağırıb. Lakin qiyamçı tərəf Mərib əyalətini azad etmək üçün hücumlara başlayıb. (AZƏRTAC)