"Sumqayıt Nəqliyyat Təchizat"ın direktoru hesabat verəcək

"Sumqayıt Nəqliyyat Təchizat" ASC-nin səhmdarlarının ümumi yığıncağı keçiriləcək.

İqtisadiyyat.az xəbər verir ki, yığıncağın iyulun 17-də keçirilməsi nəzərdə tutulub.

Yığıncaq Sumqayıt şəhərindəki restoranların birində keçiriləcək.

İclasda ASC-nin direktoru ötən il üzrə maliyyə-təsərrüfat fəaliyyətinə dair hesabat verəcək.

Qeyd edək ki, "Sumqayıt Nəqliyyat Təchizat" 2004-cü ildə yaradılıb. Onun nizamnamə kapitalı 75 512 manatdır.