Süveyş kanalında hərəkəti iflic edən gəmiyə həbs qoyuldu

Bir müddət əvvəl Süveyş kanalında saya oturaraq hərəkəti bir həftə ərzində iflic edən "Ever Given" konteyner gəmisinə həbs qoyulub.

Qərar gəmi sahibinin vurulan ziyana görə təzminatı tam məbləğdə ödəməkdən imtina etməsi ilə əlaqədar verilib.

Süveyş kanal rəhbərliyi hərəkətin dayanması ilə əlaqədar "Evergreen" şirkətindən 1 milyard dollar təzminat tələb edir.

Şirkət isə öz növbəsində həmin məbləğin 90 faizini, 900 milyon dollar məbləğ ödəməyə hazır olduğunu bildirir.

Xatırladaq ki, martın 23-də Tayvanın "Evergreen" şirkətinə məxsus 400 metrlik və 224 min tonluq "Ever Given" konteyner gəmisi Süveyş kanalında saya oturaraq bir həftəyə yaxın müddət ərzində hərəkəti iflic etmişdi. (Trend)